СҚО әкімі тұрғындарға: Петропавлға қарай үлкен су ағыны жүруде

Солтүстік Қазақстан облысының әкімі Гауез Нұрмұхамбетов су тасқыны жағдайына байланысты өңір тұрғындарына жүгінді.

Өтініште айтылғандай, су тасқыны жағдайы күрделі болып қала береді. Су тасқынына қарсы барлық қажетті шаралар қабылдануда. Бірінші кезеңде елді мекендерден еріген суды бұру жұмыстары жүргізілді.

«Ал қазір үлкен су Есіл өзенімен өтеді. Сергеев су қоймасында толып кетудің абсолютті рекорды тіркелді-  4 метр 25 сантиметр. Бұл 2017 жылғы су тасқынының көрсеткіштерінен әлдеқайда көп. Үлкен су Есіл өзенінің бойындағы елді мекендерге қауіп төндіреді. Шамамен бір-екі күннен кейін су облыс орталығына жетеді. Прибрежное және Тепличное ауылдарын, Заречный кентін су басу қаупі төніп тұр», – деді СҚО әкімі.

Оның айтуынша, осы күндері бөгеттер салу және нығайту жұмыстары жүргізілді. Ауыз суды үздіксіз жеткізу үшін бірінші көтеру сорғы станциясының айналасындағы бөгетті нығайтты.

«Біздің елді мекендерді қорғау бойынша бұрын-соңды болмаған шаралар қабылданды. Алайда, бұл жеткіліксіз болуы мүмкін. Петропавлға қарай үлкен су ағыны жүріп жатыр. Премьер-Министрдің бірінші орынбасары Роман Васильевич Склярдың тапсырмасы бойынша үйлері су басу аймағында орналасқан Заречный кентінің тұрғындарын эвакуациялау жүргізілуде. Тұрғындарды түсіністікпен қарауды және су тасқыны кезеңінің талаптарын орындауын сұраймын», — деді Гауез Нұрмұхамбетов.

Ол төтенше жағдайлар департаментінің, полиция мен қала әкімдігінің талаптарын мінсіз орындау қажеттігін атап өтті. Бұл жазғы коттедждердің тұрғындарына да қатысты.

фото: СҚО әкімшілігі