ҰҚШҰ әскери техникалары Қазақстанға не үшін әкелінді — Министрлік жауап берді
Қорғаныс министрлігі ҰҚШҰ әскери техникаларының Қазақстанға келу себебін түсіндірді, деп хабарлайды Kznews.kz тілшісі Ulysmedia.kz. сілтеме жасап.
2022 жылғы 26 қыркүйек пен 8 қазан аралығында Жамбыл, Алматы облыстарында ҰҚШҰ-ның ұжымдық жедел ден қою күштерінің «Өзара іс-қимыл-2022», «Іздеу-2022», «Эшелон-2022» оқу-жаттығулары өтіп жатыр.
«Осыған байланысты елімізге Ұйымға мүше мемлекеттердің әскери контингенттері келеді. Әскери техниканың қозғалысы теміржол, әуе көліктерімен және дөңгелекті техникамен жүзеге асырылады. Бұл тұрғыда азаматтарды әлеуметтік желілерде таралатын түрлі қауесеттерге ермеуге, тек ресми ақпарат көздеріне сенуге шақырамыз», — деп көрсетті ведомствоның баспасөз қызметі.
