Нұрлан Мәсімовтің ұсталуына қатысты жаңа ақпарат жарияланды
Ұлттық қауіпсіздік комитеті Павлодар облысы полиция департаментінің бұрынғы басшысы Нұрлан Мәсімовтің ұсталуының мән-жайын айтты, — деп хабарлайды Kznews.kz тілшісі.
Ресей Федерациясының арнайы қызметінің көмегімен Қазақстан-Ресей шекарасының шығыс учаскесінде өткізу пункттерінен тыс жерден заңсыз өту әрекеті кезінде ҚР және РФ азаматтарынан тұратын бір топ адам ұсталғаны хабарланды.
«Олардың арасында бастапқыда өзі туралы жалған деректер берген іздеудегі Павлодар облысы бойынша полиция департаментінің экс-бастығы Нұрлан Мәсімов анықталды.
Келісімдер аясында Ресей тарапы 13 шілдеде Н.Мәсімовті ҰҚК Шекара қызметі қызметкерлеріне берді. Қажетті тексерулер мен сұрақ алу іс-шараларынан кейін құзыреті бойынша іздестірудің бастамашысы болған Сыбайлас жемқорлыққа қарсы қызметке берілді», — делінген хабарламада.
