Түнде үйіне балконнан кірмек болған семейлік жігіт пәтерін шатастырып алған
Семейдегі Ішкі істер департаментінің кезекші бөліміне тұрғындардың бірі хабарласып, үйінің балконынан бөтен ер адам кіріп кеткенін мәлім еткен деп жазады Altaynews.kz сайтына сілтеме жасаған NUR.KZ.
Көрнекі фото: altaynews.kz
Азамат үйге кіру үшін терезенің әйнегін сындырып тастапты.
Оқиға орнына жедел жеткен тәртіп сақшылары пәтерден алкогольдік ішімдікке масайған азаматты құрықтайды.
Белгілі болғандай, терезеден кірген ер адамның пәтер иесіне ешқандай қатысы да, арам пиғылы да болмаған.
Ол кешкі отырыстан кейін үйіне қайтып келгенде қалтасында кілті жоқ екенін байқапты.
Содан кейін балкон арқылы кірейін деп шешкенімен, терезеден шатасып, көршісінің үйіне кіріп кеткен.
Енді абайсыздық танытқан ер адамның үстінен сотқа дейінгі тергеу басталды.
