Тоқаев мереке кезінде ордендермен марапаттау тәртібін өзгертуді ұсынды
Қысқа сілтеме алу
Мемлекет басшысы мереке кезінде орден-медальмен марапаттау тәртібін өзгертуді ұсынды
НҰР-СҰЛТАН, 3 сәуір – Sputnik. Қазақстан президенті Қасым-Жомарт Тоқаев мемлекеттік наградалар еңбек адамдарына, әсіресе ғалымдар, құрылысшылар, қарапайым жұмысшыларға берілуі керек екенін айтты.
Алматы облысының жұртшылығымен кездесуінде Тоқаев марапаттау тәртібін өзгертуді ұсынды.
«Әр жыл сайын желтоқсан айында барлық деңгейдегі әкімдер мен министрлерді марапаттап үйреніп қалғанбыз. Егер байқасаңыздар, мереке кезінде бүкіл басшылар ордендерін тағып шығады. Бірақ бізде олардан басқа мұғалімдер, дәрігерлер, журналистер, қарапайым жұмысшылар да бар ғой, неге екені белгісіз, олар марапатталмай қалады. Әйтпесе олар басқалардан аз еңбектеніп жатқан жоқ. Бізге бұл тәртіпті өзгерту қажет деп санаймын «, — деді президент.
Мемлекет басшысы медициналық қызметкерлер мемлекеттің назарынан тыс қалмауы керектігін атап өтті.
«Орден-медальдарымыз бар екен, олай болса жақсы нәтиже көрсетіп жатқан еңбеккерлерді марапаттауымыз керек», — деді Тоқаев.
«Керегі не?» Тоқаевқа өзінің суреті бейнеленген билбордтар жақпай қалды
Айта кетсек, Қазақстан президенті осы аптада Алматы облысына жұмыс сапарымен барып, аймақтың жұртшылығымен кездесті.
sputniknews.kz
