Токио-2020: Қазақ боксшысы Олимпиаданы жарқын жеңіспен бастады
Токио Олимпиадасында боксшылар додасының шымылдығы түрілді. Қазақстан командасы сапынан алғаш болып Серік Теміржанов шаршы алаңға шықты деп хабарлайды Olympic.kz.
57 келіде жұдырықтасқан Теміржанов бірінші жекпе-жекте венгриялық Роланд Галошпен кездесті.
Аталған сын қазақстандық боксшыға айтарлықтай қиындық тудырған жоқ. Серік Теміржанов қарсыласын екі мәрте нокдаунға жіберіп, айқын басымдықпен жеңіске жетті.
Есеп – 5:0.
Серік Теміржановтың келесі айналымдағы қарсыласы — америкалық боксшы Роган Дюк.
