ТАРИХ ҚОЙНАУЫНАН СЫР ШЕРТЕР | «Айқын» газеті

Елбасымыз ұлтымыздың ұлылығын ұлықтайтын, тағылымын танытатын тарихымызды негізге алып, бүкіл қазақ жұртшылығына кезекті мақаласын жария еткені мәлім. «Ұлы даланың жеті қыры» деп аталатын аса маңызды, тамыры терең, тарих қойнауынан ақиқат келтірілген жаңа мақаланың бүкіл қазақстандықтар үшін орны ерекше. 

Болашаққа нық қадам жасауға, дамыған 30 елдің қатарынан көрінуге, келешек ұрпақтың тарихын тануға септігін тигізер бұл мақаланың жөні бөлек. Мемлекет басшысы Нұрсұлтан Назарбаев осы күнге дейін салмақты саясаты арқылы асқақ абыройымен қазақ елінің атын күллі әлемге та­нытып келеді. Енді, міне, ұлт та­ри­хының жеткілікті жеті қырын ай­шықтап, тарихи санамыздың жетілуіне тағы бір септігін тигізді. Маңызды мақаланың астарында Отанға деген сүйіспеншілік, өткенге үңілу, түп тамырыңды тану сияқты орнықты ойлар жатыр.
Елбасымыздың «Ұлы даланың жеті қыры» мақаласы елдің ертеңі – жастар үшін жалынды жігер, отан­сүйгіштік қа­сиетін арттырып, білім жолында қия­лына қанат бітіретініне сеніміміз мол.

Ақшолпан МАРАТ,
«Нұр Отан» партиясы Қарасай аудандық филиалы төрағасының бірінші орынбасары