Тараздағы әскери бөлімнен қашқан сарбазды қатаң жазаға тартпақ

Жамбыл облысында әскери бөлімнен қашып кеткен сарбаз сарбаз  қатаң жазаға тартылады, деп хабарлайды Stan.kz ақпарат агенттігі.

Қорғаныс министрлігінің мәлімдеуінше, заңнамаға сәйкес сарбазды кеткені үшін 10 тәулікке дейінгі мерзімге қамауға алу көзделген. Сонымен қатар, қызмет орнынан әскери киімді киіп жүрген кезде кетіп қалған, бұл аса ауыр құқық бұзушылық және бұл қылмыс үшін Қылмыстық кодекстің бабы 90 тәулікке дейін қамауға алуды қарастырады.

Осылайша, қатардағы жауынгер Нұрасыл Арысбаев түнгі уақытта қызмет орнын қалдырып, ең ауыр зардаптарға әкеп соқтыруы мүмкін өрескел теріс қылық жасады.

«Осыған байланысты бөлім басшылығы қатардағы жауынгер Нұрасыл Арысбаевқа ең ауыр жаза шарасын қолдану туралы өтініш жасайды», — деп мәлімдеді ведомствода.

Соңғы шешімді сот қабылдайды.

Еске салайық, 19 жастағы сарбаз 25 наурызда түнгі кезекшілігін тастап белгісіз бағытта қашып кеткен. Әскерилердің айтуынша, Нұрасыл Арысбаевтың қолында қару-жарақ болмаған. Қасындағы серіктесі ұйқыға кеткенін пайдаланған жауынгер түн жамылып қашып кетті.

Сарбаз 30 наурызда Тараздан 40 шақырым жердегі мал ұстайтын қоралардың бірінен табылды.  19 жастағы жігіт бес күн бойы мал бағып, төрт түліктің қасында түнепті. Ал әскерден қашуын «ата-анамды қатты сағындым» деп түсіндірді.