Сотқа ішіп келген прокурор терезеден қашқан
Ош облыстық прокуратурасының аға прокуроры Союзбек Сарыков жұмыстан шығарылды. Бұл туралы Бас прокуратураның баспасөз қызметі хабарлады.
Бұған қоса, Ош облыстық прокуратурасы басшылығының әрекетін тексеру жүріп жатыр.
12 желтоқсанда Интернетте прокурор Союзбек Сарыковтың сот отырысына масаң күйде қатысып, кейін сот залынан терезе арқылы қашқаны туралы видео тарады. Одан соң прокуратура Сарыков әрекетіне қатысты қызметтік тексеру жүріп жатқанын хабарлады.
Прокурордың өзі сот отырысына мас болып келген дегенді жоққа шығарып, залдан терезе арқылы қашуын қауіпсіздігімен байланыстырған.
