Солтүстік Қазақстанда жолаушылар автобусы апатқа ұшырады

0
30

Оқиға

Қысқа сілтеме алу

0 0 0

Жолаушылар тасымалдайтын көлікте 16 адам болған. Олар аязды күні жолда үсіп қала жаздаған

НҰР-СҰЛТАН, 28 қараша – Sputnik. Солтүстік Қазақстан облысындағы Мамлютка-Қостанай тас жолында 16 жолаушысы бар автобус жыраға түсіп кетті. Апаттан ешкім зардап шеккен жоқ, бірақ адамдар үсіп қала жаздады, деп хабарлайды «Қазавтожол» АҚ.

Жол апаты бүгін болды. «КАВЗ-4238» автобусының жүргізушісі көлікті басқара алмай қалып, жыраға түсіп кетті. Автобуста 16 жолаушы болған, олардың қатарында бес жасар бала да бар.

Тағы оқыңыз: Шамалғандағы трагедия: қайтыс болған жүргізушінің әйелі өз шындығын айтты – видео

Дегенмен жүргізуші амал табады. Ол тас жолға шығып, бағыттас автобусты тоқтатып, барлық жолаушыны отырғызып жібереді. Құрбандар мен зардап шеккендер жоқ.

Қазір «Қазавтожол» қызметкерлері жыраға түсіп кеткен көлікті шығаруға көмектесіп жатыр. Апаттың алдын ала себебі – көліктің техникалық ақауы.

Еске салсақ, 27 қараша күні 45 жолаушысы бар автобус Алматы – Ташкент тас жолында тұрып қалған болатын. Ол да техникалық ақау шығып, сынып қалды. Көлікте 45 қазақстандық болған, оның бесеуі – балалар.



sputniknews.kz