Шымкенттік күш-құрылымдар діни әдебиеттерді тәркілеу барысында арнайы операция жүргізді
Тергеу мәліметінше, сәләфизм жақтастары базарға келушілер мен саудагерлердің арасында деструктивті сипаттағы әдебиеттерді таратумен айналысқан.
Ағымдағы жылдың 24-қаңтарында Шымкент қалалық Полиция департаменті мен ҰҚК департаменті бірлесіп, «Shymkent Tulpar» және «Нипа» базарларында бір уақыттылық рейдік шараны өткізу барысында арнайы операция жүргізді, деп хабарлайды Zakon.kz Шымкент қалалық ПД-нің баспасөз қызметіне сілтеме жасап.
Сот санкциясымен сауда нүктелерінде тінту жүргізіліп, нәтижесінде бірқатар діни әдебиеттердің бары анықталып, тәркіленді. Оның ішінде сәләфиттік мазмұндағы кітаптар мен ақпаратты электронды тасымалдау құралдары да бар.
Тергеу нұсқасы бойынша, сәләфизм жақтастары жоғарыда аталған базарларда келушілер мен саудагерлердің арасында деструктивті сипаттағы әдебиеттерді таратумен айналысқан.
Тергеу шаралары қоғамдық орындарда деструктивті бағыттағы діни мазмұнды материалдарды тарату дерегіне сәйкес қозғалған қылмыстық істердің аясында жүргізілуде.
Telegram арнасындағы маңызды жаңалықтар «zakon.kz». Жазылу!
Дереккөз: https://kaz.zakon.kz/
