Шымкентте балалар үйінің түлектері шаңырақ көтерді (фото) — новости Казахстана

Түркістан облысының Төле би ауданында орналасқан №2 балалар үйінің түлектері Камал Ерболат пен Анастасия Сопельняк шаңырақ көтерді деп хабарлайды өңірдегі NUR.KZ тілшісі.

Ерболат пен Анастасия, фото: NUR.KZ

Жастардың қуанышын Түркістан облысының балалар мен жастар ісі басқармасы жасап беріпті.

Қазақстанның үлгілі отбасы болуға уәделерін берген қос ғашық, барша қонақтарға алғысын білдірген.

Қалыңдықтың айтуынша, той көйлегін тәрбиешісі тауып берген.

Айта кететін жағдай, күйеу жігіт Камал Ерболат 22 жаста. Ол Шымкенттегі политехникалық колледждің 3 курс студенті. Ал Анастасия 19 жаста болғанымен, зауытта жұмыс істейді.

Қазіргі таңда жас отбасы жасөспірімдер үйінде тұрып жатыр.