Шетелдіктер үшін Қазақстанға виза алу қызметі жеңілдетілді — Қазақстан жаңалықтары

Ішкі істер министрлігі «Шетелдіктерді шақыру» қызметін электронды форматқа аударды, деп хабарлайды Stan.kz ақпарат агенттігі департаменттің баспасөз қызметіне сілтеме жасап.

Елге кіруге шақыру қағаздары ішкі істер министрлігі ұсынатын ең сұранысқа ие мемлекеттік қызметтердің бірі болып табылады. Қазақстанға келгісі келетін шетелдік азаматтарға бұл рәсім құжаттар жинау, Қазақстан елшілігіне келу және 30 және одан да көп күн күту секілді қиындықтарсыз болмақ.

Енді бұл қызметті 5 күн ішінде үйден шықпай-ақ, www.vmp.gov.kz визалық-миграциялық порталынан алуға болады. Виза-көші-қон порталындағы жеке кабинетте шетелдікке шақыру берген тұлға мыналарды атқаруға міндетті:

— өтініш толтырып, шетелдіктің деректерін енгізуге;

— электрондық үкіметтің төлем шлюзі арқылы мемлекеттік бажды төлеу (әр шақырылушы үшін 0,5 АЕК);

— 5 жұмыс күнінен кейін өтініш берушінің жеке кабинетіне шақырудың 10 таңбалы тіркеу нөмірі келеді, оны шетелдік азаматқа хабарлау қажет;

— шетелдік азамат визалық-көші-қон порталында өтініш толтырады,

15 минуттан кейін шетелдік электронды виза алады;

— электронды визаны басып шығарып, оны Қазақстан шекарасында паспорттық бақылаудан өткен кезде шекарашыларға ұсыну.

Қазіргі уақытта шетелдіктер үшін «B1», «B2» және «B3» санаттарына Қазақстанға іскерлік мақсаттар үшін кіруге және жеке мақсаттар үшін «В10» санатына бір мәртелік электронды виза беру үшін электронды шақыру қызметі қолжетімді.

Сондай-ақ, қазіргі уақытта электронды визаның көмегімен Нұр-Сұлтан және Алматы қалаларының халықаралық әуежайларында паспорттық бақылаудан өтуге болатындығы айтылды. Мұндай бұйрықты 2020 жылы Қазақстан Республикасының мемлекеттік шекарасы арқылы өтетін басқа өткізу пункттерінде тарату жоспарлануда.