Ресейде халықтың табиғи азаюы пандемия жағдайында 30 % өсті
Ресейде халықтың табиғи азаюы 2020 жылдың қаңтар-шілдесінде өткен жылдың сәйкес кезеңімен салыстырғанда 30 %-дан астамға өсті және 316,3 мың адамды құрады. Бұл туралы Ресейдің Есеп палатасының федералды бюджеттің атқарылуы туралы есебінде айтылған, онда Ресейдегі демографиялық жағдай қолайсыз деп бағаланды.
Есеп палатасының бағалауы бойынша Ресейдің 78 құрылымында туылғандар санының төмендеуі байқалды, ал өлім саны 62 аймақта өсті.
«Бүкіл елде 2020 жылдың қаңтар-шілдесінде қайтыс болғандардың саны туылғандар санынан 1,4 есе көп болды (2019 жылдың осы кезеңінде — 1,2 есе), Ресейдің 41 субъектісінде бұл артықшылық 1,5-2,4 есе болды», — делінген құжатта.
2020 жылғы қаңтар-шілдеде туылғандар саны 811,7 мың адамды құрады, бұл 2019 жылдың сәйкес кезеңімен салыстырғанда 48,7 мың адамға (5,7 %) аз. Өлім саны 1 128,0 мың адамға дейін өсті, бұл 2019 жылғы қаңтар-шілдеге қарағанда 57,9 мың адамға (5,1 %) көп.
Карантиндік шектеулер аясында халықтың көші-қонының көбеюі табиғи халықтың орнын толтыруымен 20,6 %-ды құрады. Сонымен бірге экономикада жұмыс істейтіндердің саны азайды.
2019 жылмен салыстырғанда ол шамамен 1,6 миллион адамға азайып, 70,5 миллион адамды құрады. 2012 жылғы қыркүйектен бастап жұмыссыздық деңгейі ең жоғарғы деңгейге жетті — 6,3 %. Ресейде жұмыссыздардың жалпы санын қазір РФ Есеп палатасы мәліметі бойынша 4,2 млн адамға жетті.
Қыркүйек айында Ресейдің 2024 жылға дейінгі және 2030 жылға дейінгі жоспарлау кезеңіндегі ұлттық даму мақсаттарына жетудің біртұтас үкіметтік жоспарының жобасы туралы белгілі болды. Онда пандемия аясында Ресей халқының саны 2020 жылдың аяғында 158 мың адамға азаяды делінген — бұл 14 жылда максимум және алдыңғы жылдармен салыстырғанда бес есе көп екен.
Коронавирустық пандемиядан кейін халықтың жалпы өсуінің оң қарқынына жету 2022 жылдан бастап мүмкін болады деп күтілуде. Ауқымды қысқару 2006 жылдың аяғында ғана байқалды, сол кезде елдегі халық саны 373,9 мың адамға азайған. Ресейдегі кедейлік деңгейі (кірісі күнкөріс минимумынан төмен ресейліктердің үлесі) 2020 жылы 13,3 % дейін өсуі мүмкін.
Керімсал Жұбатқанов
