Қызды болған Айсәуле Бақытбек перзентханадан шықты (фото)

Бірер күн бұрын ана атанған Айсәуле Бақытбек сәбиімен бірге перзентханадан шығып, үйіне оралды. Желі жұлдызы ерекше сәттің кадрларын өзінің Instagram парақшасында бөліскен, деп жазады KAZ.NUR.KZ.

Айсәуле Бақытбек пен оның қызын перзентханадан шығарып алуға тек ет-жақындары келген. Олардың арасында жолдасы, ата-енесі, өз анасы мен Тұрсын Алагөзов те бар. Ерлі-зайыпты өзге отандық жұлдыздар секілді ауқымды шара ұйымдастырмаған. Отағасы тек ең жақын адамдарын жинап, әйелі мен қызын үйіне алып кеткен. Жас әке қызының дүниеге келуіне септігін тигізген дәрігерлерге де алғысын білдірді. Ол медицина қызметкерлеріне гүл шоқтарын тарту еткен. Желі қолданушылары жас жұбайларды құттықтап, анасы мен қызына денсаулық тіледі. Айта кетейік, жұлдызды жанұя жаңа туған қыздарына қандай ат қойғаны әзірге белгісіз.