Қытайда жолаушылар ұшағы құлаған сәттің видеосы тарап кетті
Фото tengrinews.kz сайтынан алынды
Қытайдың оңтүстігінде Boeing 737 жолаушылар лайнері құлаған сәттің видеосы пайда болды, деп хабарлайды kznews.kz сайты РИА Новостиге сілтеме жасап.
Кадрларда ұшаққа ұқсайтын нысан төменге қарай тез құлдилап бара жатқанын көруге болады. Сонымен қатар, оның тік бағытта құлағаны байқалады.
China Eastern Airlines компаниясының ұшағы 21 наурызда Қытайдың оңтүстігіндегі Гуанси-Чжуан аймағында апатқа ұшыраған еді. Бортта 132 адам болған. Қаза болғандар мен зардап шеккендер туралы ақпарат жарияланбады.
Кейін Президент Қасым-Жомарт Тоқаев ҚХР төрағасы Си Цзиньпинге көңіл айту жеделхатын жолдады.
