Қазақстан Ресейден бензин тасымалдауға тыйым салды — Қазақстан жаңалықтары

Ресейден бензин тасымалдауға уақытша шектеу қойылды, деп хабарлайды Stan.kz ақпарат агенттігі.

Бұл туралы энергетика министрлігінің баспасөз қызметі мәлім етті. 

«Ресей Федерациясынан бензин, дизель және авиациялық отынды Қазақстанның ішкі нарығына әкелуге уақытша тыйым салынады», — делінген ресми хабарламада.

Мұнымен қоса, Қазақстан Еуразиялық экономикалық одақтың сыртқы экономикалық қызметі тауарлар номенклатурасы кодтарының 2709, 2710, 2902, 3403, 3811 топтарына жататын тауарларды автокөлік құралымен ел аумағынан әкетуге тыйым салуды алып тастамақ.