Қазақстан Орталық Азия елдеріне гуманитарлық көмек көрсетуге дайын — Қазақстан жаңалықтары

Қазақстан Орталық Азия елдерінің үкіметтері жүгінген жағдайда гуманитарлық көмек көрсетуге дайын.

Бұл туралы Қазақстан Республикасының президенті Қасым-Жомарт Тоқаев мәлімдеді, деп хабарлайды Stan.kz ақпарат агенттігі мемлекет басшысының Twitter парақшасына сілтеме жасап.

«Үкімет пен әкімдіктер тұрақтандыру қорларының толықтырылуын және баға мониторингін қамтамасыз етуі керек. Төтенше жағдайлар кезінде өнімдерді жеткізуге ерекше назар аудару керек. Спекуляциялық және қарбалас жағдайдың алдын алу қажет. Әлеуметтік маңызы бар тауарлардың «шекті бағалары» сақталуы керек.

Орталық Азия мемлекеттерімен ынтымақтастықтың белгісі ретінде, Қазақстан мұқтаж елдердің үкіметтері жүгінген жағдайда гуманитарлық көмек көрсетуге дайын», — деді мемлекет басшысы парақшасында.