Қазақстан елордасының орталық көшелері бос қалды – фото

0
6

Әдетте жылдың осы мезгілінде қазақстандықтар көктем мен жаңарудың мерекесі – Наурызды тойлап жататын. Бірақ 2020 жылдың 22 наурызы бос қалған көшелермен есте қалмақ: астаналықтар карантин жариялануына байланысты демалыс күндерін үйде өткізіп жатыр

НҰР-СҰЛТАН, 22 наурыз – Sputnik. Нұр-Сұлтан көшелерінде адам аз, тұрғындар үйінде отыр, коммуналдық және жедел қызметтер жұмыс істеп жатыр.

Нұр-Сұлтанның сол жағалауында бос қалған даңғыл

Елімізде коронавирус инфекциясының таралуына жол бермеу мақсатында төтенше жағдай жарияланды, ал Нұр-Сұлтан мен Алматыда карантин режимі енгізілді.

Нұр-Сұлтанда карантин жарияланды

«Барлық эпидемияға қарсы шара Наурыз мейрамына тұспа-тұс келіп отыр. Сондықтан, ел тарихында алғаш рет Ұлыстың ұлы күні жаңа форматта тойлануда: астаналықтарға вирустың таралуын мейлінше азайту үшін үйде отырып, жаңа жылды отбасымен бірге қарсы алуға кеңес берілді», – деп хабарлады әкімдіктің ресми сайты.

22 наурыз сағат 00.00-ден бастап елордаға кіру және шығу жолдары толығымен жабылды. Қалада кәсіпкерлердің карантин режимін сақтауын тексеру мақсатында рейдтер өткізілуде.



sputniknews.kz