Қазақ интернетін Ресей Федералды қауіпсіздік қызметі бақылауына алмақ
«Digital Revolution» тобының хакерлері Ресей Федералды қауіпсіздік қызметінің (ФСБ) «Квант» деп аталатын ғылыми-зерттеу институтының компьютерлік жүйесін бұздық деп мәлімдейді.
Олар таратқан құжатта аталған жүйе негізінен әлеуметтік желілердегі наразы топты анықтаумен айналысатындығы көрсетілген. «Digital Revolution» өкілдері ресейлік бақылау жүйесіне Қазақстанның да тапсырыс бергенін атап өткен. BBC мәліметінше, Қазақстанның ақпарат және коммуникация министрлігі 4,3 млн доллар ақша бөлген.
«Квант» әзірлеп жатқан мониторинг жүйесі нейрондық желі арқылы «ВКонтакте», «Facebook», «Одноклассники» және «Instagram» секілді әлеуметтік желілерден автоматты түрде посртарға талдау жасайды. Олар Ресейдің оппозициялық саясаткері Алексей Навальныйдың аты-жөні бойынша тест жүргізген.
Мәскеудің Ховрино ауданында орналасқан «Квант» жабық институты 1970 жылы құрылған. 2008 жылы оны «ФСБ» бақылауына алған. 2012–2014 жылдары «Квант» бірнеше шпиондық бағдарламалар сатып алған. «Forbes» мәліметінше, қашықтықтан бақылайтын бұл бағдарламалар құрылғының ізін кесіп, жасырын камераға түсіріп, жазбаларын көшіріп ала алады.
2018 жылы АҚШ «Квантқа» қарсы санкция енгізген. АҚШ билігі осы жүйе президент сайлауы алдында хакерлік шабуыл жасауы мүмкін деп есептейді. «Digital Revolution» биыл «интернетті түрмеге айналдыратындарды» жазалауға уәде берген.
