Қатерлі ісік тудырады: «Бич-пакет» жеген астаналық жігіт дертке шалдықты — новости Казахстана

Көрнекі фото: feel-feed.ru

Елорда тұрғыны Биетов «бич-пакеттің» кесірінен ауруханадан бір-ақ шыққан. Асқазанын ауруға шалдықтырған азамат бұл тағамға студент кезден әуес болған екен.

Жалпы дәрігерлер асқазан жарасын жылдам дайындалатын кеспелерден туатын аурулардың бастамасы деп түсіндіреді.

Олардың сөзінше, бес-ақ минутта «пісетін» тағам жасөспірімдерді күйзеліске, психологиялық ауытқушылыққа шалдықтырады екен.

Сондай-ақ, ұзақ сақталуы үшін пальма майымен майланатын кеспелердің қатерлі ісік тудыру қаупі де жоғары көрінеді.

«Бұл жылдам дайындалатын кеспе – өте зиянды тағам. Әсіресе балалар үшін. Бұл кеспені жүкті және бала емізетін әйелдерге жеуге мүлдем болмайды.

Себебі кеспені ұзақ сақтау үшін оған натрий глутаматын қосады. Ол химиялық өндірісте жасалатын синтетикалық тұз. Натрий глутомат ағзада жиналып, оны уландырады.

Глутамат ағзаға түскеннен кейін асқазанды зақымдайды, қатерлі ісіктің дамуына себепкер – осы. Бронхиальды астманы да ас­қындырады», – дейді Ұлттық онкология және трансплантология орталығының гастроэнтерологы Күлпәш Қалиасқарова.