«Қайтадан майдан сапындамын»: Дана Нұржігіт коронавирустан жазылып шықты

Отандық танымал тележүргізуші Дана Нұржігіт жолдасы екеуі коронавирус жұқтырып алғанын айтты. Ерлі-зайыптылар қауіпті инфекция өздерінен анықталған күннен бастап емдеу шараларына кірісіп, ақыр-соңы індетті толығымен жеңіп шыққан. Белгілі журналист аты жаман аурудың қалай өткені туралы егжейлі-тегжейлі айтып берді.

Дана Нұржігіт отағасы екеуінен вирус табылғанымен ұлында жоқ болып шыққанын жеткізді. Тележүргізуші өзінің індетке шалдыққанын тек одан айыққан кезде бір-ақ қалың көпшілікке жария етуді жөн көрген.

Ол Instagram парақшасында қауіпті дертті қалай еңсергені туралы бар шындықты айтты.

«Хансың ба,қарасың ба,ұлт,нәсіл, жыныс талғамайтын індет балаларға соншалықты қауіп төндірмейтініне де шүкір деймін. Жолдасым екеумізден анықталған күні, Әлімнен тест алуға көшпелі топ шақырттық. Оның тесті таза болып шықты. Өзім ауырсам да,баламның аман екеніне қатты қуандым. Әрі дертке жеңістік бермеу керек дегенді санама құя бердім,құя бердім. Ұлымның бір күнде есейіп кеткенін көрдім.

Маған көрсетпей көзінің жасын бір сығып алып, жәутеңдеп, есіктің сыртынан: «мама,папа,уайымдамаңыз,бәрі жақсы болады!» деп рух беріп қояды жарығым.
Шүкір,қазір тәуірміз! Үнемі витамин ішіп жүргендіктен шығар, жеңіл өтті. Бірақ, әлсіздік, тершу бар. Бастысы: үрейге бой алдырмай, депрессияға түспеу керек екен.Бұл дерт ең бірінші санаңа соққы болады екен.

Бірден құрдымға кеткендей, естіген сәтте дүние теңселіп кетеді. Сол кезде өзіңді қолға алуға тырысу керек. Не де болса, жақсы ойлап, жеңіп шығуға бел буу керек! Әлеуметтік желіден шығып кету керек,ақпарат тыңдамау керек!Бәрін өшір! Тек жақсылық,тек жеңіске бар күшіңді салуың керек! Сақтанып жүріңіздерші, ал «ұсталып қалсаңыз» мойымаңыз,құламаңыз! Баршаларыңызға амандық тілеймін» , — деп жазды ол.

https://www.instagram.com/p/CDQAXhtnj2M/