Путин қорғаныс министрі Шойгуды қызметінен босатты

Ресей президенті Владимир Путин 12 мамыр күні кешке қауіпсіздік саласына өзгерістер енгізді. Ол Қорғаныс министрлігінің басшысы Сергей Шойгуды қызметінен босатты. Оның орнын бұрынғы бірінші вице-премьер Андрей Белоусов басты. Бұл туралы Kznews.kz ақпарат агенттігі BBC басылымына сілтеме жасап хабарлайды.

Сергей Шойгу Қауіпсіздік кеңесінің хатшысы қызметіне тағайындалды.

12 мамыр күні кешке Ресей президенті Владимир Путин Федерация Кеңесіне құқық қорғау органдарының басшылары лауазымдарына кандидаттар бойынша өз ұсыныстарын жолдады. Заңға сәйкес оларды мемлекеттік дума емес, федерация кеңесі мақұлдайды. Путин өз қызметтеріне қайта тағайындауды ұсынғандардың арасында ведомствоны 2012 жылдан бері басқарып келген қорғаныс министрі Сергей Шойгу болған жоқ.

Шойгудың орнына Путин бірінші вице-премьер Андрей Белоусовты тағайындауды ұсынды. Федерация перзиденті өз жарлығымен Шойгуды Қауіпсіздік кеңесінің хатшысы етіп тағайындады. Соңғы 16 жылда Қауіпсіздік кеңесінің хатшысы қызметін Николай Патрушев атқарды. Президент жарлығында ол басқа жұмысқа ауысқандықтан отставкаға кетті деп көрсетілген. Алайда нақты қандай лауазымға ауысқаны белгісіз.