Өлген әруақтарға арнап жеті шелпек тарату дұрыс па?

0

Қазақтар ежелден әруақтарға құран бағыштап, бейсенбі-жұма күндері шелпек таратып жатады. Алайда қазіргі уақытта мұны дұрыс емес дейтіндеп қатары да артқан. Елдің көкейінде жүрген сауалдарға ҚМБД шариғат және пәтуа бөлімінің маманы жауап берді деп жазады muslim.kz.

Фото: NUR.KZ

Фото: NUR.KZ

«Жеті шелпек пісіру» үрдісінің біздің қазақ дәстүріне қайдан қалыптасқаны, қандай нанымнан туындағаны жайында айтылған нақты дерек кездестірмедік. Бірақ, біздің түсінігімізше, жеті шелпек тарату үрдісінің астарында – әруақтың атынан елге тамақ беріп, сауабын өліге бағыштау түсінігі жатыр.

Осы тұрғыдан қарағанда оның шариғатқа терістігі жоқ. Себебі, жасалған жақсы амалдың сауабын өлген кісіге бағыштау – шариғатымызда да бар.

Енді оны неге жеті деген? Сандардың арасында «7» санын ерекше таңдалып алынуы да бекер емес (жеті шелпек).

Өйткені, дінімізде жеті санымен байланыса айтылған үкімдер көп. Мысалы, иманның жеті шарты, жеті рет қағбаны тауаф ету, ит жалаған жерді жеті рет жуу. Шелпектің «жеті» санымен байланыстырылуының мәні де осында жатса керек.

Қалай болғанда да, жеті шелпекті тарату үрдісін дінге теріс деу немесе ширкке алып барар жол деу қиын. Неге десеңіз, жеті шелпек таратқан адам әруақтан медет тілеп емес, о дүниедегі өлген кісіге сауабы және пайдасы тисін деп таратады. Оның үстіне, қазіргі кезде шелпек қазақтың ұлттық тағамының бірі ретінде қалыптасқан. Ең дұрысы – Аллаға мәлім», – деді ҚМБД шариғат және пәтуа бөлімінің маманы Бауыржан Әбдуәлі.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз