«Олар мені төмендеткісі келді»: «Дос-Мұқасан» тобының әншісі әуежайдағы жанжалды түсіндіріп берді — Қазақстан жаңалықтары

«Дос-Мұқасан» тобының әншісі Мұрат Құсайыновтың басы дауға қалды. Ол әуежай қызметкерін ұрды деп айыптады. Бұл оқиғаны әншінің өзі түсіндіріп берді, деп жазады Тengrinews.kz-ке сілтеп Stan.kz хабарлайды.

Фото: azh.kz

Әншінің айтуынша, ол әуежай қызметкерімен қатаң сөйлескен. Алайда ешкімге қол көтермепті. Қызметкер оның аяқ киімі мен белдігін шешуін сұраған. Әнші өзін рейске өткізбегені үшін ашуланғанын айтады. 

«Олар бейәдеп түрде менен аяқ киімімді, белдігімді шешуді талап етті. Мен сканермен тексеруді сұрадым. Бірақ олар мені әдейі төмендеткісі келді. Солай істеді де. Мен шешпейтінімді айттым», — дейді әйгілі әнші.

Осы оқиғадан соң әуекомпаниясы полиция бөлімшесіне арыз түсірген.

«Олар осылайша бар кінәні маған жапқысы келеді», — дейді әртіс. 

Әнші әуекомпаниясын да, «Эйр Астана» атына өзі де арыз жазатынын жеткізді.