Облыстардың бірінде сағат 19:00-ден кейін далаға шығуға тыйым салынды

0
14

11 мамырға дейін тұрғындарға 21:00-ге дейін көшеге шығуға рұқсат етілді, алайда аймақта карантин режимін бұзушылар көбейіп кетті, ал өңірдегі эпидемиологиялық жағдай оңайға соқпай отыр

АЛМАТЫ, 12 мамыр – Sputnik. Қазақстанның бірқатар өңірінде карантин режимі жеңілдетіліп жатса, Маңғыстау облысында оны қатаңдату туралы шешім қабылданды, деп хабарлайды Lada.kz облыстың бас санитар дәрігері Ерғали Сыдымановтың сөзіне сілтеме жасап.

Маңғыстау облысының барлық елді мекенінде адамдар мен жеке автокөліктердің еркін қозғалысы екі сағатқа қысқарды.

Қоғамдық көлік кем дегенде 25 мамырға дейін тоқтап тұрады, деп мәлімдеді брифингте Ерғали Сыдыманов. Әуе қатынасы да іске қосылмайды, себебі өңірде аурудың таралу өсімі 8,1%-ті көрсеткен.

Оқи отырыңыз: Дәленов карантиннің ел экономикасына қалай әсер еткенін айтып берді 

Тұрғындардың карантин режимін сақтамауы салдарынан осындай қатаң шаралар қабылданды.

«Біз ата-аналарға кешкі 22.00-ге дейін балаларымен бірге серуендеуге рұқсат бердік, бірақ карантин талаптары сақталмады. Мысалы, менің үйімнің ауласында түнгі сағат он екіге дейін балалар ойнап жүреді, сондықтан біз уақытты қысқарттық. Жұмысқа баратындарға келетін болсақ, жұмыс берушілер қызметкерлерді бір сағатқа немесе жарты сағат бұрын босата алады, бірақ сағат жетіде барлық адам үйде болуы тиіс», – деп Tumba.kz порталы Ерғали Сыдымановтың сөзін келтірді.

Сонымен қатар білім басқармасымен бірлесе отырып, карантин кезінде қандай балабақшаларда топ ашылатыны шешіліп жатыр.



sputniknews.kz