Нұр-Сұлтанда қаламаңы автобустары жүре бастады

0
1

Қала мен облыс шекарасындағы блок бекеттер алынғаннан кейін бағдардағы автобустардың жұмысы қалпына келтірілді

НҰР-СҰЛТАН, 1 маусым – Sputnik. Нұр-Сұлтанда қаламаңы бағдарларының қозғалысы қалпына келтірілді, қоғамдық көліктер сағат 06:00-ден 22:00-ге дейін жүреді, деп хабарлады City Transportation System (CTS).  

«Автобустарға бұрынғыша дезинфекция жасалады. Автобус жүргізушілері қауіпсіздік шараларын сақтайды: маска, қолғап киіп, антисептик қолданады», – деп атап өтті CTS.

Жолаушылар да бетперде киіп, санитарлық нормаларды сақтауға міндетті.  

Жолақыны қолма-қол ақшасыз төлеу қажет.

Оқи отырыңыз: 1 маусымнан бастап қазақстандықтардың өмірінде не өзгереді 

Еске сала кетейік, сағат 00:00-ден бастап Қазақстанның қалалары мен облыстары арасындағы блок бекеттер алынып тасталды.

Дегенмен, облыс әкімдіктерінің шешімімен коронавирус инфекциясының ошақтары бар жерлерде жергілікті блок бекеттер орнатылуы мүмкін.  



sputniknews.kz