Неге мені түсіріп жатсың, қарағым: Лондонда тайраңдап жүрген Бергей Рысқалиевтің видеосы тарап кетті(видео) – Қазақстан жаңалықтары

0

Атырау облысының экс-әкімі Бергей Рысқалиев бейнеленген әуесқой түсірілімдер бүгін әлеуметтік желілерде тарап кетті. Видеода қылмысы үшін халықаралық іздеу жарияланған әкімнің Лондон көшелерінде талтаң басып, тайраңдап жүргенін көруге болады. Бұл туралы Stan.kz хабарлайды. 

Неге мені түсіріп жатсың, қарағым: Лондонда тайраңдап жүрген Бергей Рысқалиевтің видеосы тарап кетті(видео)

Барлық видеода әкімнің көше бойында жайбарақат келе жатқатқанын көруге болады. Телефон шұқып келе жатып өзін камераға түсірмеуді сұраған Атырау облысының бұрынғы әкімі Бергей Рысқалиев: «Неге түсіресің? Түсірме мені, қарағым!» деп видео түсірушіге тіл қатады. 

Әлеуметтік желіде таралған екінші таспада ол, екі қолын сырт киімінің қалтасына салып, саябақтардың  бірінде серуендеп жүргені түсірілген. 52 жастағы экс-шенеуніктің қыдырып жүргені көрсетілген видеоны көрген желі қолданушылары түрлі пікір қалдыруда. 

Айта кетейік, Атырау облысының бұрынғы әкімі ұйымдасқан қылмыстық топ құрып, бюджеттің 71 миллиард теңгесін ұрлағаны үшін сырттай 17 жылға сотталған еді.  Құзырлы органдар бұл видеоларға қатысты ешқандай мәлімдеме жасаған жоқ.

 

stan.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз