Назарбаевтың кенже қызы желіде жазба қалдырды

0
19707

Биыл Тұңғыш президент күні жексенбіге түсіп тұрғандықтан, қазақстандықтар дүйсенбі күні де демалады

Елбасы Нұрсұлтан Назарбаевтың кенже қызы Әлия Назарбаева қазақстандықтарды мемлекеттік мереке – Тұңғыш президент күнімен құттықтады, деп хабарлайды Sputnik Қазақстан.

Әлия Назарбаева желідегі парақшасына әкесімен бірге жаңажылдық шыршаның қасында түскен суретін жариялаған.

Ол 1991 жылдың бірінші желтоқсанында Нұрсұлтан Назарбаев алғашқы жалпыхалықтық сайлау нәтижесінде республика президенті болып жарияланғанын еске салды.

«Бұл жауапты қызметте 29 жыл қызмет етті, өз халқының игілігі үшін әлі де еңбек етіп келеді. Мен өз әкемнің тегін мақтанышпен, зор құрметпен және жауапкершілікпен алып жүрмін. Жаратқанға күн сайын сыйынып, денінің саулығы мен ұзақ ғұмыр тілеймін»,  – деп жазды Назарбаева инстаграмдағы парақшасында.

Тұңғыш президент күні

Мемлекеттік мереке Қазақстанда 2012 жылдан бері аталып өтеді. 1 желтоқсан күні – елімізде демалыс. Биыл бұл дата жексенбіге түсіп тұрғандықтан, қазақстандықтар дүйсенбі де демалады.

Еліміздің барлық өңірінде мерекелік шаралар ұйымдастырылады. Нұр-Сұлтан тұрғындары мен қонақтары бүгін кешкі сағат тоғызда отшашуды тамашалай алады.

Нұрсұлтан Назарбаев осы жылдың 20 наурызында президенттік өкілеттігін тоқтатты. Десе де ол Қауіпсіздік кеңесінің және Nur Otan партиясының төрағасы, Қазақстан Конституциялық кеңесінің мүшесі.

sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз