Мұхтар Әбілязов өмір бойына бас бостандығынан айырылды
Бүгін Жамбыл облыстық қылмыстық істер жөніндегі арнайы ауданаралық соты Ержан Тәтішевтің өліміне қатысты үкім шығарды.
«Мұхтар Әблязовты қылмыстық тергеу органдары 2004 Мұратхан Тоқмәдиге төрт миллион доллар беріп, Жамбыл облысы Қордай ауданы аумағында аңшылық кезінде тапсырыс бойынша «Банк Тұран Әлем» АҚ бұрынғы басқарма төрағасы Ержан Тәтішевті өлтіргізді деп айыптады», – делінген хабарламада.
Мұхтар Әблязовқа шыққан үкім 2018 жылдың 27 қарашасында оқылды. Әблязов кінәлі деп танылып, өмір бойына бас бостандығынан айырылды. Одан бөлек, банк ұйымдарында үш жыл жұмыс істеу құқығынан айырылды.
Еске сала кетейік, 24 қазан күні Жамбыл облысы қылмыстық істер жөніндегі мамандандырылған ауданаралық сотында Мұхтар Әбілязовке қатысты қылмыстық іс бойынша басты сот талқылауы басталған болатын.
