Маскасыз жүру — қылмыстық жауапкершілік: Қазақстандықтар нені білуі тиіс — Қазақстан жаңалықтары

Қазақстандықтар медициналық маска тақпағаны үшін қылмыстық жауапкершілікке тартыла ма? Бұл туралы брифингте елордалық полиция басқармасының басшысы Ержан Сәденов мәлімдеді, деп хабарлайды Stan.kz ақпарат агенттігі. 

«Карантин режимін бұзушыларды жаппай ұстау полицияның мақсаты емес екенін атап өткім келеді. Біздің қызметкерлер азаматтармен күнделікті түсіндіру жұмыстарын жүргізеді, алдын-алу шаралары тек карантиндік нормаларды бұзушыларға қолданылады», — деді Сәденов.

Елордалық бас полицейі медициналық маскаларға қатысты көптеген сұрақтар туындайтынын айтты: кию керек пе, жоқ па және маска тақпағаны үшін қандай жауапкершілік бар? Осы мәселеге тоқтала кетті. 

«Сізге бетперде кию керек, өйткені сіз вирустық инфекцияны жұқтырған адам бола аласыз және ол туралы білмеуіңіз немесе жұқтырған болуыңыз мүмкін. Егер адам өзінің науқас екенін білсе, сөйте тұра маска тақпаса, адамдарға жұқтыруды жалғастыра берсе, бұл қылмыстық жауапкершілікке жатады», — деп түсіндірді Сәденов.

Сондықтан полиция қызметкерлері маскаларды міндетті түрде кию туралы халық арасында түсіндіру жұмыстарын жүргізді және әлі де жалғастырып жатыр.

«Бұл карантин режимінің нормалары. Бастысы — сіздің денсаулығыңыз және басқалардың денсаулығы!» — деді полиция полиция департаментінің басшысы.

Карантиннің негізгі талабы — үйден шықпау.

«Жаяу немесе көлікпен еш қажеттіліксіз сыртқа шыға алмайсыз. Сондай-ақ дүрбелеңге түсудің қажеті жоқ, тексерілмеген ақпаратты таратпаңыз. Тек ресми ақпарат көздеріне сену керек. Біз мемлекет қабылдаған шараларға түсіністік пен қолдау көрсетуді сұраймыз», — деді Сәденов.

Елордалық полиция басшысы құқық қорғау органдарының жұмысына түсіністікпен қарап, көмектесуді сұрайды.

Оқи отырыңыз

Карантин кезінде мұсылмандар қалай еске алу рәсімін өткізе алады, бас мүфти айтып берді