Мамай мен Иманбаева өздерінің шағымдарын қарау бойынша сот отырысына келген жоқ

Алматы қаласының №2 Әуезов аудандық соты Ж.Мамай мен И.Иманбаеваның сот шешімін орындауды кейінге қалдыру туралы арыздарын қарады. Бұл туралы заңгер А.Тәшенова өзінің Facebook парақшасында хабарлағандай, Ж.Мамай мен И.Иманбаева сот отырысына қатыспаған, ал олардың заңгерлері процеске дайындықсыз келген.

Бүгін Алматы қаласының №2 Әуезов аудандық соты Ж.Мамай мен И.Иманбаеваның Б.Байбектің ар-намысын, қадір-қасиетін және іскерлік беделін қорғау туралы талап-арызы бойынша сот шешімін орындауын кейінге қалдыру туралы арыздарын қараудан бас тартты.

Бұған дейін олар барлық сот шығындарын төлеген, бірақ негізгі талаптың орындалуын, яғни маған сенім білдірушіге қатысты жала жапқан бейнелер мен посттарды жою, сондай-ақ көпшілік алдында оларды теріске шығаруды жариялауды барынша кешіктіруге тырысып келеді.

Жауапкерлер заң талаптарын мүлдем елемей, кейінге қалдыруға негіз ретінде Жоғарғы сотқа өтініш беру фактісін келтіреді. Бірақ бұл құқықтық негіз бола алмайды. Айтпақшы, мен бұған дейін де бірнеше рет жазғанымдай, Жоғарғы Сотқа берген өтініштерінің мазмұны олардың ұстанымын растайтын жаңа фактіні қамтымайды. Заңгер және бұрынғы судья ретінде кассация да бұл өтініштерді қабылдамайтынына сенімдімін.

Жалпы, ештеңе өзгермеді. Мамай мен Иманбаева, сондай-ақ олардың қорғаушылары өздерінің өтініштері бойынша басталған бүгінгі отырыстарға жауапсыз қарады.

Соттың бірінші отырысына шағым жасаған Мамай мен оның адвокаты Қалиев өздері қатыспай, бүгін Нұрпейісовті жіберді. Ол болса өзінің сенім білдірушісінің позициясын білмейтіндіктен, сотқа қатыса алмайтынын мәлімдеді. Сот процесі кезінде телефон арқылы Мамаймен сөйлескеннен кейін өзі мүлдем қатысудан бас тартты. Екінші отырысқа Иманбаеваның өтініші бойынша Қалиев қатысса да, әдеттегідей дайындықсыз келді.

Екі процесс тағы да заңды ұстанымның жоқтығын және жауапкерлердің сот шешімінің орындалуын кешіктіруге тырысып жатқанын көрсетті. Жауапкершіліктен қашу және өзін «құрбан» ретінде көрсету әрекеттері сәтсіздікке ұшырайтынын және осы ымырасыз «тактиканы» ұстану заңға сәйкес жаңа санкцияларға әкеледі атап өткім келеді.

Еске сала кетейін, сот шешімін орындамағаны үшін Мамай мен Иманбаева Алматы бюджетіне 280 032 теңге көлемінде айыппұл төлеуі тиіс, сондай-ақ Мамайдың жүргізуші куәлігі тоқтатылды (заңды күшіне енген жоқ).

Б.Байбектің өкілі ретінде мен еліміздің заңнамасына сәйкес борышкерлердің сот шешімін толық орындауына қол жеткіземін.

P/S. Әркім өз бетінше олардың заңдық негізсіздігін тексере алуы үшін Мамайдың  Алматы қаласы №2 Әуезов аудандық сотына өтінішін қоса беріп отырмын (Мамай мен Иманбаеваның өтініштері толығымен бірдей).

Айжан ТАШЕНОВА