Коронавирусты тежейтін дәрі табылды — Қазақстан жаңалықтары

Канадалық вирусологтар коронавируспен күресте басқа препараттың тиімділігін растады. Тиісті зерттеу «Journal of Biological Chemistry» журналында жарияланды, деп хабарлайды Stan.kz ақпарат агенттігі.

Канададағы Альберта университетінің ғалымдары Эболамен күресуге арналған ремдесивир дәрілік препаратының коронавирустың көбею механизмдерін тежейтінін байқады. Дәрігерлер бұл препаратты SARS-CoV-2 коронавирусына ұқсас Таяу Шығыс респираторлық синдромына қарсы сынақтан өткізгендерін айтты. Вирусологтар ремдесивир коронавирус полимеразаларының өте күшті ингибиторы деген қорытындыға келді.

Зерттеуге қатысқан вирусологтар Матиас Гетте мен Егор Чесноков ремдесивирді SARS-CoV-2-ге қарсы тікелей әрекет ететін дәрі ретінде қарастыруға болатындығын байқады. Ғалымдар препараттың тікелей әсер ету фактісін құжаттау оның одан әрі клиникалық сынақтарға берілетіндігін растайды. Сонымен бірге Гетте зертханалық зерттеулер негізінде препарат нақты жағдайда тиімді болады деп нақты айту мүмкін емес деп қорытындылады.

«Біз шыдамды болып, рандомизацияланған клиникалық зерттеулердің нәтижелерін күтуіміз керек», — деп атап өтті Гетте. Ремдесивир — тиімділігін Дүниежүзілік денсаулық сақтау ұйымы 12 елде өткізілген сынақтар негізінде бақылайтын дәрі-дәрмектердің бірі. Дәрігерлер зерттеу нәтижелерін сәуір немесе мамыр айларында күтуге болады деп санайды.

Бұған дейін жапон ғалымдары антиретровирустық нелфинавир препаратының SARS-CoV-2 вирустық бөлшектеріне әсерін байқаған. Дәрігерлер бұл дәрі кішкентай дозаларда да вирустың көбеюін тиімді тоқтатады дейді.