Этникалық қазақ Путиннің кеңесшісі болды
Дағыстанның бұрынғы басшысы Владимир Васильев Ресей президенті Владимир Путиннің кеңесшісі болып тағайындалды, деп хабарлады Кремльдің баспасөз қызметі.
«Васильев Владимир Абдуалиевич Ресей Федерациясы Президентінің кеңесшісі болып тағайындалсын», — делінген дүйсенбідегі Путиннің жарлығында.
Васильев Дағыстанды 2017 жылдың қазанынан бастап басқарды, оған дейін, 2012 жылдан бастап Ресей Мемлекеттік Думасының вице-спикері болды, ол 2003 жылдан бері депутат болды. Тіпті одан бұрын ол Ресей Федерациясы Ішкі істер министрінің орынбасары, Ресей Қауіпсіздік Кеңесі хатшысының орынбасары қызметтерін атқарған.
Этникалық қазақ — әкесі Али Асанбаев, шешесі — Надежда Васильева (орыс). Владимир Васильев туылған кезде Алик Абдуалиевич Асанбаев деп аталды.
