Іс-түзсіз жоғалған теміртаулық жігіттің мәйіті табылды

Полицейлер Теміртау тұрғынының денесін даладан тапқан

НҰР-СҰЛТАН, 14 сәуір — Sputnik. Қарағанды облысындағы Ақсу-Аюлы ауылынан 5 шақырым жерден жігіттің мәйіті табылды, деп хабарлады облыстық полиция департаменті.

Тәртіп сақшылары жігіттің кім екенін анықтаған. Ол 32 жастағы Теміртау қаласының тұрғыны болып шықты. Азамат іс-түзсіз жоғалғандардың қатарында болған. 

Қазіргі таңда сараптама жұмыстары тағайындалды. Оның қорытындысы бойынша тиісті шешім шығарылады.

Естеріңізге сала кетейік, Нұр-Сұлтан қаласында жоғалған 13 жасар бала төрт күннен кейін өлі табылған болатын. Еріктілер оны ашық кәріз құдықтарының бірінен тауып алған.