Головкин промоутер Том Леффлермен келісімшартты үзді ме? — Бокс

Кәсіпқой бокста орта салмақта әлем чемпионы болған қазақстандық Геннадий Головкин (38-1-1, 34 КО) промоутер Том Леффлермен жұмысын тоқтатты. Бұл туралы ESPN арнасының маманы мен инсайдері Дэн Рафаэль өзінің твиттер желісіндегі парақшасында жазды.

Желі қолданушыларының бірі осыған дейін Головкин неге әлі телесеріктес таңдамады деген сұрақ қойды. 

«Мұны істемегені анық. Леффлер де айтқан, телесеріктесті жыл соңына дейін таңдайды деп, ал Головкин енді онымен жұмыс істемейді», — деп жауап берді Рафаэль.

Айта кетейік, желтоқсанда Los Angeles Times басылымы Головкин промоутер Том Леффлерден кетуі мүмкін екенін жазған. Дегенмен әзірге бұл ақпарат ресми расталған жоқ. 

@danrafaelespn I thought GGG was supposed to pick his television contract before the end of the year. What happened?

— CJTackett (@CJTackett1) 3 января 2019 г.