Ғашықтар күні күйеуінен таяқ жеген әйел, оны кешірді — Қазақстан жаңалықтары

Петропавл қаласында Ғашықтар күні күйеуінен таяқ жеген 32 жастағы әйел, оны кешірді, деп хабарлайды Stan.kz ақпарат агенттігі.

«14 ақпанда азаматтық күйеуінің құрбанына айналған 32 жастағы қала тұрғыны гематомалармен және әртүрлі сынықтармен ауруханаға жеткізілді. Дене жарақаттарына қарамастан, ол сол күні өзінің сүйіктісіне шағымы жоқ екені туралы арыз жазды», — деп мәлімдеді Солтүстік Қазақстан облысы полиция департаментінде.

35 жастағы петропавлдық азамат қылмыс жасағаны үшін жазалана ма, жоқ па белгісіз.

Еске сала кетейік, денсаулыққа қасақана орташа ауырлықтағы зиян келтіру фактісі сотқа дейінгі тергеулердің бірыңғай тізіліміне енгізілді, ол айыппұл, түзету немесе қоғамдық қызмет түріндегі жазаны немесе екі жылға дейін бас бостандығынан айыруды қарастырады.