Еуропарламент Қазақстандық шенеуніктерге санкция салмақ
30 January 2020, Belgium, Brüssel: Katarina Barley (SPD, 2nd from right) chairs the meeting as Vice-President of the European Parliament. Two days before Britain's withdrawal from the European Union, the European Parliament also ratified the EU withdrawal agreement at a meeting in Brussels and finally sealed the brexit. Photo: Michael Kappeler/dpa /DPA/PIXSELL
Еуропа парламент депутаттары еліміздегі соңғы тәртіпсіздіктер мен наразылықтарға байланысты Қазақстандағы адам құқықтарын қорғау туралы қарар қабылдады, деп хабарлайды kznews.kz сайты stan.kz порталына сілтеме жасап.
Бұл қарарда олар халықаралық тергеуді бастауға және адам құқықтарын таптау бойынша ЕО режимі шеңберінде қазақстандық шенеуніктерге қатысты санкция енгізуге шақырды.
Құжатқа 671 дауыс беруші қатысып, 589-ы қолдау білдірген. 35 депутат қарсы шығып, 47-і дауысқа қатысудан қалыс қалған.
Еуропарламенттің бұл қарарларын орындау міндетті емес. Алайда ЕО институттары мен Еуропа елдері арасында шешімдер қабылданған кезде бұл жайттар ескеріледі.
“2022 жылғы қаңтар айында болған наразылықтар кезінде адам құқықтарын бұзып, таптағаны үшін қазақстандық шенеуніктерге санкция жариялансын”, – деді кеңесте ЕО депутаттары.
Сонымен қатар екі апталық митинг кезінде Қазақстан халқына қарсы жасалған күштерге байланысты дереу түрде халықаралық тергеуді бастау туралы айтылды.
Еуропа парламенті кәмелетке толмағандарды қоса алғанда Алматы және Қазақстанның өзге де қалаларындағы бүлік кезіндегі адам жоғалу, бейбіт тұрғындардың жарақат алуы мен өлімі, оларға жасалған қарсы күшпен азаптауларға, атуларға байланысты тергеу жұмыстары жүруі керек деген шешімді ұсынды.
