Ер адам бір ванна тиын беріп смартфон сатып алды
Қызық оқиға Рейсей астанасы Мәскеу қаласында болған.
Фото: facebook.com/ludmila.semushina
13:54 14.11.2018
Мәскеуде 100 мың рубль тұратын (550 мың теңге шамасында) iPhone телефонын сатып алу үшін ер адам ваннаға салып әкелген тиындарды берді. Суретті Мәскеудегі IPhone-ның ресми ритейлері Людмила Семушина өзінің фейсбук парақшасында жариялаған.
Тиындарды санауға 1,5-2 сағат уақыт кеткен. Оқырмандар қауымы аталмыш оқиғаның шын екеніне қатты күмәнданғанын жеткізеді. Олар мұнша ақша тиынмен есептелгенде бір ваннаға сиып кетуі мүмкін емес деп отыр.
Сатып алушылар iPhone XS құрылғысын таңдап алған. Оның құны — 100,99 мың рубль. Сатып алғаннан кейін ваннада тиындар қалған екен.
