Егер COVID-19 болмаса, иіс сезу қабілетін жоғалту нені білдіреді?

Коронавирустық инфекцияны жұқтырумен болмаған иіс сезу қабілетінің жоғалуы ауыр созылмалы аурудың дамуын көрсетуі мүмкін, деп хабарлайды ресейлік дәрігерлер.

Мамандардың айтуынша, иіс сезу қабілетінің болмауы көптеген түрлі патологиялардың симптомы болып табылады – иіс сезу қабілетінің кенеттен жоғалуы мұрын қуысының шырышты қабатының ісінуі кезінде пайда болады. ЖРВИ-мен ауырған кезінде шырышты қабаттарда қан көптеп жиналады, бұл ауа ағынын едәуір қиындатып, иіс сезу қабілетінің төмендеуіне себепші болады. Дәл осындай жағдай жедел аллергиялық реакциялар кезінде де пайда болады. COVID-19 кезінде иіс сезу қабілеті жоғалады, бірақ мұрын бітелу жағдайы болмайды.

Сондай-ақ, иіс сезу қабілеті инфаркттан кейінгі жағдайларда, мұрынның сынуы, нейродегенеративті аурулар, ми ісіктері, сондай-ақ Паркинсон және Альцгеймер аурулары кезінде жоғалып кетуі мүмкін. Ауыр созылмалы ауруларда иіс сезу қабілеті аурудың ауыр көріністері пайда болғанға дейін үш-төрт жыл бұрын жоғалады. Сондықтан алғашқы белгілер кезінде дәрігермен кеңесіп, тексеруден өту өте маңызды.