Бішкекте жеті жасар бала сүндетке отырғызылғаннан кейін қайтыс болды
«Бала ұлттық госпитальда жергілікті анестезиямен сүндетке отырғызылғаны белгілі болды. Операциядан кейін ол үшінші балалар ауруханасының хирургия бөліміне «Платтер синдромы» диагнозымен жатқызылған. Қатты қан кеткеннен кейін есін жимай қайтыс болған. Өлімнің себебін анықтау үшін сот-медициналық сараптама тағайындалды. Тергеу жалғасып жатыр», — деді полиция.
Қырғызстанның Денсаулық сақтау министрлігі қалалық балалар клиникалық ауруханасында бала өліміне қатысты қызметтік тексеру жүргізіліп жатқанын хабарлады.
Ата-анасы сараптама жасаудан бас тартқан.
«Бала ауруханаға 2 сәуірде түскен. Бала сүндетке отырғызылған, бірақ операция аяқталмаған. Туыстары операцияның қай жерде жасалғанын айтқан жоқ. Барлық реанимациялық шараларға қарамастан баланы аман алып қалу мүмкін болмады», — деп хабарлады ведомстводан.
- (Фото:elements.envato.com)
