Атыраулық автобус жүргізушілер 300 мың теңге жалақы алатын болады

0
66

Жолсеріктер мен жүргізушілердің жалақысын өсірудегі мақсат-қалалық автобустарда электронды билет жүйесінің тиімді енгізілуі, деп xабарлайды Атырау қаласы әкімінің баспасөз қызметі. 
Бұл туралы «Смарт-Атырау» КММ басшысы Әділбек Танкиев мәлімдеді. Мәлімдемешінің айтуынша, ағымдағы жылдың қарашасынан бастап қоғамдық көлік жүргізушілері 110 мың теңге орнына 300 мың теңге жалақы алатын болады, жолсеріктер жалақысы 45 мың теңгеден 85 мың теңгеге өскен.

-Бұл шаралар қоғамдық көліктерде жолақы төлеудің электронды жүйесінің өте тиімді енгізілгендігінен қолға алынды. Жолаушылардың қозғалысын басқару, тасымалдаушы мекемелер кірістерінің ашықтығы, сондай-ақ бюджетке салық түсімдерін арттыру үшін. Жалақы барлық тасымалдаушы мекемелердің емес, тек санаулы мекемелердің жүргізушілері мен жолсеріктері үшін ғана өсті,- деді Әділбек Танкиев.

Айта кетейік, қазіргі таңда электронды билет жүйесі 6 автобусқа енгізілді – 2,14,5,12,4,10. 1 және 20 автобустарда жүйе 1-2 күнде іске қосылады. Жолақы төлеу картасын қаладағы ірі сауда орындарында орналасқан 11 нүктеден ала аласыз. Сонымен қатар, жолақыны 7 төлем жүйесі арқылы төлеуге болады.

-Біз көлік жүргізу санаты сәйкес келетін жүргізушілерді келісімшартқа отыруға шақырамыз,- деп толықтырды Әділбек Танкиев.

«Қамшы» сілтейді