Әсел Сәдуақасова жігітін көрсетті
Актриса, әнші Әсел Сәдуақасова біраз уақыт бұрын берген сұхбатында сүйікті адамы бар екенін айтқан. Осы жолы ол сырын көпке бөлісті. Сүйіктісін көрсетті, ол туралы желідегі парақшасында жазды, деп хабарлайды kznews.kz сайты.
Әсел Тимур Балымбетовке берген сұхбатында сүйіктісімен кездеспей тұрып ұзын сонар тізім жазғанын айтқан. Актриса сол тізім туралы еске салды.
«Ал қазір өмірімде ондай тізімді қажет етпейтін қарым-қатынас бар. Бірінші кездесуден-ақ бәрі түсінікті болды», — деп жазды Әсел.
Оның сүйіктісінің аты — Мағжан Тілеуханов. Әсел онымен бірге әйел ретінде толыққанды гүлдене бастағанын айтты.
«Онымен тыныш әрі жақсы. Эмоционал ауытқулар, шиеленіс жоқ. Тек күлкі мен шын жүректен шығатын әңгімелер. Ол мені сүйіспеншілігімен және қамқорлығымен баурап алды», — деді Әсел Сәдуақасова.
