Әріптестерім болмаса, алдарыңызда тұрмас та едім — Бозымбаев — Ел жаңалықтары

Энергетика министрі Қанат Бозымбаев өз ведомствосындағы әріптестерінің жұмысына баға берді, — деп хабарлайды Tengrinews.kz тілшісі. 

Министрлік басшысы жұмысындағы басты мәселе қиындықтарға қарамастан нәтижеге қол жеткізіп, күнделікті басқару шешімдерін қабылдау екенін айтты. 

«Иә, кейде қате шешімдер болып жатады, бірақ біз басшылық берген тапсырманы бұлжытпай орындауымыз қажет. Біз өзімізге жүктелген стратегиялық жоспарды 100 пайызға орындадық, себебі жақсы жоспар құрдық. Кәсіпқой мамандардың жұмыс істегені дұрыс. Энергетика министрлігінде, менің бақытыма орай, тамаша кәсіпқой мамандар жиналған. Олар осындай нәтижеге қол жеткізуге барын салды. Осы ұжым болмаса, мен сіздердің алдарыңызда тұрып, басшылықтың тапсырмасын орындай алмас едім», — деді Қанат Бозымбаев.