Ақтөбеде полицей қамқорлығына алған кейуананың туған ұлы бар екені анықталды

Ақтөбеде қартайған шағында үйсіз-күйсіз қалып, сосын көп балалы полицей Дастан Сұлтанғалиевтен пана тапқан Людмила Шевченко туған ұлын тапты,  деп хабарлайды Stan.kz ақпарат агенттігі Timeskz.kz сайтына сілтеме жасап.

Еске сала кетейік, зейнеткер немересімен жанжалдасып, ақыры көшеде қалған. Әбден жылаған және тоңған зейнеткерді қасынан өтіп бара жатқан патруль өзімен алып кеткен.

Людмила Эммануиловнаның айтуынша, бір кездері оның жеке пәтері болған. Бірақ оны немересіне сыйлыққа берген. Ал немересі өз бизнесін бастау үшін тұрғын үйді сатқанын айтады. Іс алға баспай, отбасы пәтер жалдап тұруға мәжбүр болады. Ақыр соңында егде жастағы әйел баспанасыз қалады.

Қарияның басқа барар жері жоқ екенін білген учаскелік полиция қызметкері Сұлтанғалиев оны қамқорлығына алады.

Полицей бір бөлмеде 4 баласы және әйелімен бірге тұрғанына қарамастан, қарияға отбасынан орын берді.

Людмила Шевченко алты ай бойы Дастан Сұлтанғалиевпен бірге тұрды, ал 29 наурызда ол полицейге қызының немересінен басқа ұлы бар екенін айтты.

«Мен мәліметтер базасын тексеріп, Влад Шевченконы тауып алдым, оны полицияның тірек пунктіне әңгімеге шақырдым», — деді учаскелік полиция қызметкері.

1970 жылы Людмила Имануиловна Ресейдегі ауылда тұратын қайын енесіне барып, оған бір жасар ұлы Влад қалдырғаны белгілі болды. Бала әжесінің қолында өсті. Өскеннен соң, туған еліне, Ақтөбеге оралды.

Влад Шевченконың тағдыры оңай болған жоқ. Дұрыс жолдан жаңылып, бірнеше рет түрмеге отырған.

«Жалпы алғанда, мен 20 жыл отырдым. Уақыт келеді, анам маған керек болады деп күдіктендім. Соңғы рет біз 2002 жылы қонақта болдық. Содан кейін мені туберкулезден колонияда көз жұмды деген қауесет шығарды. Шынымды айтсам, мен де анам тірі деп ойламадым», — деді зейнеткердің ұлы.

52 жастағы Влад Шевченконың әйелі мен балалары жоқ, қазір ол жиһаз алып, құрастырумен айналысады.

Людмила Имануиловна ұлын табуға көмектескен полицияға алғысын білдірді. Ұлынан оны өсірмегені үшін кешірім сұрады.

Владтың баспанасы жоқ, жатақхананың жалдамалы бөлмесінде тұрады. Анасын өзімен алып кететін болды.

«Мен, әрине, болған оқиғадан жағамды ұстадым. Тіпті анамның пәтерсіз қалғанын да білмедім. Бірақ ана — ол ана, кез-келген адам, ең болмағанда, оны дүниеге әкелгені үшін оған өмір бойы қарыз болады», — деді Влад Шевченко.