Ақтөбеде гараж бен оның ішінде тұрған көлік жанып кетті
Қызыл жалын көп ұзамай қатар тұрған үйдің шатырын да шарпып үлгерген.
Ақтөбеде жеке үйдің гаражынан өрт шығып, көлік қоса жанып кетті, деп хабарлайды Aktobenews.kz тілшісі.
Ақтөбеде 14-нен 15 қаңтарға қараған түні гараждан өрт шықты. Гараж ішіндегі көлік те қоса жанып кетті. Сонымен қатар, үйдің шатыры өртенді.
«Өрт туралы ақпарат 22:17-де түсті. Барлығы 21 адам мен 6 көлік барды. Жану 23:10-да тоқтатылып, 23:50-де толық сөндірілді. Апаттар медицинасынан 3 адам және 1 техника барды. Зардап шеккен адам жоқ», — деп хабарлады облыстық ТЖД баспасөз қызметі.
Telegram арнасындағы маңызды жаңалықтар «zakon.kz». Жазылу!
Дереккөз: https://kaz.zakon.kz/
