Ақан Сатаев: «Альмира Тұрсынмен бір-бірімізді құрметтейміз» (ВИДЕО)

«Қазақфильм» киностудиясының президенті, белгілі режиссер, продюсер Ақан Сатаев Динара Сәтжанға берген сұхбатында бірінші жары Нәзира Бақаевамен не үшін ажырасқанын ашып айтты деп хабарлайды kznews.kz тілшісі.

Жүргізушінің «Сіз үлгілі жар, 5 баланың әкесі болдыңыз. 25 жыл бірге тұрдыңыздар. Не үшін ажырастыңыздар? » деген сауалына «Біз Нәзира екеуміз барлығын ойлана келе ажырасу деген ортақ шешімге келдік. Мен ажырасуды қолдамаймын, насихаттамаймын. Бірақ, кейбір жағдайларда бұл дұрыс шешім болып табылады. Нәзира екеуіміз ұрыс-керіссіз үлкен адамдарша бұл шешімді қабылдадық. Әлеуметтік желіде ажырасу туралы ақпаратты бірге бір күнде жарияладық. Әртүрлі қауесеттердің алдын алу мақсатында.

Сөзіне қарағанда, жол соңында жұбайы екеуі бір-біріне бақыт тілеген. – Ал енді бақытыңызды таптыңыз ба? — деген сауалға Сатаев: «Айту қиын, бірақ қазір бізге қолайлы. Махаббат бар деуге болады», — деді.

Киногердің айтуынша, екеуінің ажырасуының себебі қандай да бір сыртқы факторларға байланысты емес. «Барлығы Назира екеуміздің қарым-қатынасымызға байланысты», — деді ол. Ата-анасының екіге кеткеніне балалар да түсіністікпен қараған.

Дәл сол кездері ажырасқан «Томирис» фильмінің бас кейіпкері Альмира Тұрсынға қатысты сұраққа: «Біз Альмира екеуміз доспыз. Бір-бірімізді құрметтейміз. Бізде ортақ көп нәрсе бар» деп жауап берді.