Apple корпорациясының акциялары арзандады
Apple корпорациясының акциясы 10%-ға арзандады.
Nasdaq биржасының жылдық қорытындысының нәтижесінде компания акциялары жалпы құны 142 долларға арзандаған, Осыған дейін компания басшысы iPhone сатылымының не себепті төмендегінін мәлімдеген. Мәліметтерге сүйенсек, корпорация акцияларының құлдырау себебі АҚШ пен Қытай арасындағы сауда соғысы.
28 қарашада АҚШ президенті Дональд Трамп қытайлық тауарларға салықты 25%-ға арттыратынын ескерткен болатын. Жалпы құны 200 миллиард доллар болатын тауарларға жаңа тариф келер жылдың 1 қаңтарынан күшіне енді. Баспасөз мәслихатында Ақ үй басшысы алдағы уақытта Қытаймен нақты бір келісімге келе алмаған жағдайда, қалған тауарлар импортына да тарифтің артатынын мәлімдеді. Салыққа іліккен тауарлар қатарында Қытайдан әкелінетін iPhone өнімдері, ноутбуктер және өзге де техникалық құрылғылар бар. Ал Бейжің тарапы Құрама Штаттарына жауап ретінде салықты көтеретінін айтқан.
Айта кетейік, Apple компаниясының акция бағасы 2017 жылдың алғашқы үш айында 24 % өсіп, бес жылда ең үздік маусымдық көрсеткішке жетті. Жылдың алғашқы үш айында Apple өзіндік құны тарихындағы ең жоғары шекке жетіп, 1,448 жүз миллион АҚШ долларын құраған.
