Алматыға вакцинаның тағы екі траншы келді

Алматыға КВИ вакцинасының тағы екі траншы келіп жетті. Бір күн бұрын вакциналардың бесінші және алтыншы транштары 18 000 және 29 000 дозада алынды. Алдағы күндері вакцинаның жалпы 424 мың дозасы күтілуде.

Бұл туралы Orda.kz хабарлады.

1 ақпаннан 8 сәуірге дейін 49 160 адам вакциналанды. Оның ішінде 12 281 адам вакцинаның екі компонентін де ектірді. Өткен тәулікте 1 180 адам екпе алды.

— Вакциналанғандардың ішінде: медицина қызметкерлері – 10 263, мұғалімдер – 8 285, құқық қорғау органдары қызметкерлері – 5 982, мемлекеттік қызметшілер – 307, созылмалы аурулары бар адамдар – 4 567 және Алматы қаласының басқа да санаттағы тұрғындары, – деп хабарлады қалалық ҚДСБ.

 

• Алматыда 2 млн-ға жуық тұрғын бар екені белгілі. Олардан 18 жасқа дейінгі балаларды алып тастасақ, теориялық тұрғыдан тұрғындардың 50% вакциналануы мүмкін.