Алматыда жылу құбыры жарылып, 4 адам зардап шекті — Қазақстан жаңалықтары

Алматыда диаметрі жарты метр болатын жылу магистралі жарылды, деп хабарлайды «Алматы жылу желісінің» баспасөз қызметіне сілтеме жасап Stan.kz ақпарат агенттігі. 

Апат таңғы сағат 04:14-те Пушкин көшесі мен Төле би даңғылының қиылысында болған. Құбырдың жарылуына оның тозуы себеп болыпты. Құбыр 1993 жылдан бері қолданылып келген.

«Құбырдың жарылуының салдарынан 4 адам зардап шегіп, ауруханаға жеткізілді. Көпқабатты тұрғын үйдің 7 пәтер мен үйдің жанындағы тұрақта тұрған 8 автокөлік зақымдалды», — дейді компаниядағылар. 

Сонымен қатар компаниядағылар адамдардың денсаулығы мен мүлкіне келтірілген зиян анықталғаннан кейін, оларға заңда бекітілген тәртіп бойынша өтемақы төленетінін айтты.